تمبلت كاتب المحتوى - Copywriter Guide 1.0

الدافع ورا نشر التمبلت ده هو اني أقولك "متجعلصهاش".

لو بتشتغل في كتابة المحتوى على السوشيال ميديا، فالـ Guide ده هيكون رفيق مستمر، مع كل Brand جديد بتشتغل عليه.

مفيهوش مصطلحات صعبة، مفيهوش "جعلصة" ..لكن في نفس الوقت هو مش هينفع واحد مبتدئ، هو هينظم فكر كاتب محتوى شاطر عنده معلومات وأساسيات محتاجة شوية تنظيم أو محتاج يظبط Process ثابتة لشغله.

التمبلت ده بستخدمه في شرح جزء كبير من كورس "باك اند كوبي رايتر"، وهو مكوّن من 4 صفحات:

• الصفحة الأولى (Brief): هنا بتبدأ بفهم البزنس نفسه، تفرد البراند قدامك، وتطلّع كل المعلومات الأساسية اللي هتساعدك تكتب محتوى على مقاس الـ Brand.
• الصفحة التانية (Situation Analysis): دي بتستخدم فيها تحليل SWOT بطريقة عملية عشان تشوف الصورة كاملة، وتفهم إزاي نقاط القوة والضعف والفرص والتهديدات هتأثر على محتواك.
• الصفحة الثالثة (Audience): دي المكان اللي بتدرس فيه جمهورك بالتفصيل، تحدد تحدياته واهتماماته، وتنظم ملاحظاتك عن الجمهور بشكل يخليك تكتب محتوى فيه رسائل بتصيب الهدف.
• الصفحة الرابعة (Ideas): هنا بتحط أفكارك الجاهزة للكتابة، وتربط بين المواضيع والرسائل والأفكار بشكل يسهّل عليك إنتاج المحتوى بعد كده.

لو فيه حاجة شوفتها في التمبلت وحسيت انها غريبة عليك، اعمل عنها Search ولو موصلتش تعال اسألني، هكون سعيد وأنا بساعدك